ပန်းပွင့်ရှိမှ၊ ရနံ့ရတာမဟုတ်ပါဘူး၊
ဖူးသည့်တစ်ငုံငုံသည့်တစ်ပွင့်၊
နမ်းခွင့်တစ်ရှိုက်ရသည့်ခိုက်မှ၊
ထာဝရတည်ကာလရှည်လျား၊
နှလုံးသားမှာစွဲမြဲစွာဖြင့်၊
ထုံနံ့ရီဝေပျံ့ဆွတ်စေ၏ချစ်သူသိလေ … ။
မျက်နှာတွေ့မှ၊ မြင်ခွင့်ရတာမဟုတ်ပါကွယ်၊
ဘယ်ကိုသွားသွားဘယ်နားရောက်ရောက်၊
ဘယ်လောက်ဝေးဝေးအတွေးမှာရှိ၊
အကြည့်မှာမြင်သူပဲထင်တယ်၊
ကောင်းကင်လိုပဲမော့ကြည့်ဆဲမှာ၊
တွေ့နိုင်ပါ၏ချစ်သူသိလေ … ။
အသံကြားမှ၊ နားမှာဆတ်ဆတ်
ကြားလာတတ်တာ၊ မဟုတ်ပါလေ
စမ်းရေသံကြား၊ သူ့စကားရှိငှက်၏တေးမှာ၊
သူ့သံသာတွေနှုတ်ခြွေစကား၊
နားမှာတီးတိုးဟိုး…အရင်လို၊
ရွှင်ချိုကြည်မြကြားနေရ၏ ချစ်သူသိလေ … ။
ချစ်သူသိလေသတိရလျှင်၊
ဒေသအကွာနေရတာကွဲ၊
ဘယ်လိုခွဲခွာဘယ်လောက်ကွာမလဲ…ဘယ်မှာဖြစ်ဖြစ်၊
တွယ်တာရစ်ငင်ထာဝရထင်သော၊
ရင်ထဲအရိပ်စွဲလမ်းစိတ်ဖြင့်အိပ်မက်တိုင်းမှာ ရှိနေသူ … ။
(လွမ်းသူ့ရင်ကိုငြိမ်းပါလှည့် ၀တ္ထုမှ)
*******************************
0 Comments:
Post a Comment